اعرف عندك إيه، وبيعه.
متاحبرنامج مخزون يعرف رصيدك الحقيقي في كل فرع
تيلّو بيتابع المخزون لكل مقاس ولون في كل فرع: الموجود، والمحجوز، والمتاح للبيع. فريقك بيمسح الباركود، ويعدّل بسبب واضح، ويشوف النواقص قبل ما العميل يسأل.
المشكلة
رصيد مخزون مش قادر تثق فيه
إنت فاكر إن عندك 3 من الأسود مقاس ميديم. الرف بيقول واحدة. الموقع باع اتنين بالليل والمحل باع واحدة الصبح. ومحدش عارف الرقم الصح.
فبتبيع أكتر من اللي عندك وتعتذر. أو بتوقف إعلان منتج هو أصلًا موجود في الفرع التاني. في الحالتين الفلوس بتتسرب في هدوء.
الجرد في كشكول أو شيت إكسل بيمشي الحال لحد ما يبقى عندك فرعين وتلات قنوات بيع. ساعتها بيقع، وبيقع في أزحم يوم عندك.
هتاخد إيه
هتاخد إيه
- 01
رصيد لكل مقاس ولون في كل فرع
كل مقاس وكل لون له رصيده في كل فرع: الموجود، والمحجوز لطلبات مفتوحة، والمتاح للبيع. ولو في متغيرات المفروض تشارك رصيد واحد، ينفع.
- 02
عروض بتحط إيدك على المشكلة
نواقص، نفد، محتاج مراجعة، ولسه متعدش. حد إعادة الطلب على كل متغير بيقول لتيلّو إمتى يعلّم عليه.
- 03
عدّل بسبب، وتراجع لو غلطت
كل تعديل بيطلب سبب وبيتسجل في سجل المراجعة باسم اللي عمله. غلطت؟ تراجع عنه.
- 04
مسح باركود بالكاميرا
وجّه كاميرا الموبايل على الباركود عشان تلاقي الصنف وتحرّك رصيده. من غير أي أجهزة إضافية تشتريها.
- 05
بيشتغل من غير نت
حركات المخزون بتتحفظ على الجهاز لما النت يقطع وبتتزامن أول ما يرجع. استلام بضاعة في مخزن تحت الأرض بيتسجل برضه.
- 06
تعديل جماعي للسعر والمخزون
محرر شبه الإكسل بيعدّل الأسعار والمخزون لمنتجات كتير مرة واحدة. تغيير الموسم في دقايق، مش بعد ظهر كامل.
بيتم إزاي
- 01
بنحمّل كتالوجك
حرب بتجهّز معاك المنتجات والخيارات والمتغيرات والباركود وحدود إعادة الطلب، فرع فرع، قبل ما تبدأ.
- 02
المخزون بيتحرك مع كل بيعة
طلبات الموقع والطلبات المسجلة بتحجز وتخصم المخزون لحظة حفظها، فالرصيد بيمشي ورا البيع.
- 03
فريقك بيمسح ويعدّل
استلام، تالف، تصحيح: امسح، اختار السبب، خلاص. ومن غير نت لو الشبكة ضعيفة.
- 04
وإنت بتراقب العروض
النواقص ونفد بيقولوا لك تطلب إيه وتوقف إعلان إيه. ومحتاج مراجعة بيلقط اللي شكله غلط.
مناسب لمين
- براندات الموضة والتجميل اللي عندها مقاسات وألوان ودرجات كتير.
- محلات التجزئة والهاردوير اللي عندها آلاف الأصناف وأكتر من فرع.
- محلات الأثاث والديكور اللي صنف واحد ناقص فيها بيوقف طلب كامل.
الأنسب لـ
أسئلة أصحاب الشغل
- بلتزم لمدة قد إيه؟
- الإجابة قريبًا. اسألنا على واتساب.
- مين بيملك بيانات المخزون والمنتجات؟
- الإجابة قريبًا. اسألنا على واتساب.
- تيلّو بيتعامل مع الفاتورة الإلكترونية أو الإيصال الإلكتروني بتوع الضرائب؟
- الإجابة قريبًا. اسألنا على واتساب.
- وإيه الوضع مع باي موب وفوري وإنستاباي وبوسطة؟
- الإجابة قريبًا. اسألنا على واتساب.
- لو حاجة وقفت بكلم مين؟ وبتردوا في قد إيه؟
- الإجابة قريبًا. اسألنا على واتساب.
- بكام؟
- الإجابة قريبًا. اسألنا على واتساب.
- بيشتغل مع موقعي الحالي؟
- الإجابة قريبًا. اسألنا على واتساب.
أسئلة
لو النت قطع وإحنا بنجرد، بيحصل إيه؟
حركات المخزون بتتحفظ على الجهاز وبتتزامن مع تيلّو أول ما النت يرجع. فريقك بيكمل مسح وتعديل عادي، ومفيش حاجة بتضيع.
أقدر أنقل بضاعة بين الفروع؟
حاليًا كل فرع له رصيده، وفريقك بيعدّله بسبب. شاشة تحويل بين الفروع وشاشة جرد مخصصة جايين قريب.
مين بيشوف أسعار التكلفة؟
صاحب المحل بس. المديرين والموظفين بيشوفوا أسعار البيع والمخزون والعروض اللي محتاجينها لشغلهم.
أقدر أرفع مخزوني من إكسل؟
استيراد وتصدير CSV وإكسل جايين قريب. النهارده حرب بتحمّل كتالوجك معاك وقت الإعداد، والمحرر الجماعي بيعدّل السعر والمخزون لمنتجات كتير مرة واحدة.
إزاي بيتحسب السعر
الباقات بتتفصّل على مقاسك. بعد التحليل المجاني بتاخد عرض سعر ثابت وجدول زمني قبل ما تلتزم.
ذات صلة